بالنجف والغاضرية...عدهم اجنازة أسيره

يا شمس روحي وندبي استأذني حامي دخيله

للبقيع وصيحي حيهم يهل السيوف الثجيله

والحسن روحي المضيفه حشميه وهلهليله

خل يطلبوا بثار ابنهم صاحب السجده الطويله

صيحي يا جعفر يا باقر...يا علي يا بو المفاخر

ردنه فزعه هاشمية...عدهم اجنازة أسيره

ردي يم الشيخ الأول حيدره واخذيله دمعه

والسجن نعتبره خيبر يقلع الباب ويطلعه

والحضر ذا النون أريده يحضر الموسه ويشيعه

من يجي وبيده فقاره مو نعش يرفعله قلعه

صيحي يا قالع يا كاسر...يا علي للشده حاضر

واللي يحمون الحميه...عدهم اجنازة أسيره

روحي للطف يا شمسنه هوسي يم باب المخيم

ها يالأكبر ها يجاسم يا سيوف التطرد الهم

يهل السيوف العطاشه الرايح ابدم يرجع ابدم

عالجسر مطروح ابنكم يا ليوث الليل الأظلم

يا عقيل و طالب إلكم...عالجسر ننظر فعلكم

جل يجون الطالبية...عدهم اجنازة أسيره

يا شمس واعله الشريعه صيحي يسيوف الكرامه

وين أبو فاضل وأخوته والحرب عيد النشامه

خل يفرع كافل أخته خل يروح ابلا عمامه

دمعة الكاظم عزيزة وينتظر فزعة عمامه

حشمي وزيدي الهلاهل...يا بو فاضل يا بو فاضل

والغياره الحيدرية...عدهم اجنازة أسيره

يا شمس عالتل وقفوج وقفت الحره أريده

صيحي يحسين انولينه هوه ينهض مو بعيده

خل يلم اجروحه كلها ويفزع براية عضيده

عالنعش دارت سلاسل خل يروح ايحلها بيده

لا يروح ابتسع أصابع...موسى ما عايز مواجع

حيهم أولاد الزجية...عدهم اجنازة أسيره

يا شمس للشام اقصدي للغريبه الفاطمية

هالمصيبة اتريد زينب خل تجي هيه ورقية

هالنعش رايد نواعي والنعي بطور السبية

والسلاسل جن حوافر للخيول الأعوجية

يلتقون بهالمصيبه...والغريب اويه الغريبه

وسفه أسياد البرية...عدهم اجنازة أسيره

يا شمس ويه المؤذن صيحي ها يالجعفرية

صيحي وين أهل المواقف والغيارة الرافضية

من يرفعون البيارغ زفة عدهم مو منية

الما أخذ بالطف فرصته هذا طف الكاظمية

هذا فرصتكم يشيعه...والجسر مثل الشريعه

والنعم بالمهدوية...عدهم اجنازة أسيره