شعدد لك يبو صالح
شعدد لك يبو صالح لا وحده ولا هي إثنين
ضلع الزهره دم حيدر جبد الحسن نحر حسين
يبو صالح عداك اللوم بطيت إبحقك و ثارك
و ثارك بادي من ساعه حطب جمعوا على دارك
من نار الحطب لليوم تهيج و تستعر نارك
طفي نارك إبسيفك...و إطلب منهم إبحيفك
بعد يالمهدي و بكيفك
إذا تطلب من إعداك الواحد منكم إبسبعين
من إعداك الطلب مريود و غيرك يا هو يطلبها
ما قول الطلب كافي إذا عالشجره تصلبها
عليهم ما يصير إهواي لون هالدنيه تقلبها
بإسم ضلع أمك و كسره...تطلع الطاغي من قبره
و إتصلبه عله الشجره
و تقر إعيون أنصارك و للزهره تقر العين
تقر العين للزهره و تطيب إجروح داحي الباب
إبمثل جبرة ضلع أمك و تشد إصواب بعد إصواب
بعد دار أمك و بابه تصير النوبه للمحراب
بعد ضلع امك المكسور...يبني المرتضه المذخور
لبن ملجم يصير الدور
تعود الحسبه يالموعود ثار إبثار دين إبدين
دين إبدين عين إبعين لجن و اللي بده أظلم
مثل عمك يصير إشلون جبده ينمرد بالسم
يبو صالح من المحراب تجي عد قبره المهدم
تطلب جبده التمرد ...حته جبدتك تبرد
و تشّيد بإيدك المرقد
و عقبها تدري يالغايب مسيرك و القصد لاوين
مسيرك واضح و دربك ترسمه إبدمعه سجابه
القبر حسين تتعنه بسيوف الثاره طلابه
و كلمن يصرخ إبهذي و آه يحسين و إمصابه
بهذي كلمن إينادي...و دمعه إعله الوجن بادي
يروح المصطفه الهادي
إنجبر هالسا كسر الإسلام و طاب هاليوم جرح الدين
