أمنيتي جانت بالعمر ... شيعة علي إيشيعوني

إشكثر مشتاق أجالسكم و لو ساعه

لجن يا حيف ... صارت طيف... هالساعه

كل هالمده عشنه إبشده و جانت سلوتنه الآمال

إشقد إحلمنه بينه الدنيه تتحول من حال الحال

إشقد تانينه و إتمنينه و قبلك تاخذنه الآجال

كل شي إحسبنه لاجن فقدك ما جان إيمر اعله البال

منظر نعشك حيل إصدمنه تالي إيشيعك جم حمّال

نعشك لازم من يتشيع برموش أحبابك ينشال

حسبنه إحساب من سجنك ترد سالم

أملنه خاب ... بدرك غاب... يالكاظم

يا شيعتي صدر إبصدر ... صدر إبصدر حضنوني

أمنيتي جانت بالعمر ... شيعة علي إيشيعوني

أمنيتي جانت بالعمر شيعة

متوقعنه متصورنه اتعوف الشيعه ابلايا إوداع

حسبنه إنشوفك و إنقبل موضع جذمك فوق القاع

حسبنه إبلهفتنه إنحضنك ما حسبنه إتروح بساع

نعشك صدعنه و روعنه و غيّر باللحظه الأوضاع

خانت دنيانه إبتاليها و ظل مركبنه إبغير إشراع

دنيانه إبلاياك إشتنفع تاج الراس إبفقدك ضاع

يشيعتنه الصبر مريود أرجاكم

تلقوني ... إحملوني... اعله يمناكم

إتعرفوني منكم شنتظر ... منتظر تتلقوني

أمنيتي جانت بالعمر ... شيعة علي إيشيعوني

حين إصبرنه و إتنطرنه اليوم الفرج تانينه

عام إيجر عام ابهالمحنه و تانينه ما ملينه

غايب قلنه و لازم ترجع و الشوفتك حنينه

إتعنينه الملقاك إبسرعه و يا بو الرضه إشتاقينه

إترقبنه إبكل لحظه إنشاهد وجهك يطل إعلينه

نعشك لاح بأفجع صوره و إبشوفته إنهارينه

لتبجون إعله نعشي إبدمعه سجابه

دموع العين... بس لحسين ... و امصابه

عمري إنقضه بآه و صبر ... و الدمعه إبين إجفوني

أمنيتي جانت بالعمر ... شيعة علي إيشيعوني

سجني و صبري و كل آلامي جانت لجلكم كلها

إقضيت إسنيني إبهالزنزانة و هالزنزانة إشيحملها

لجل إذنوب الشيعه إدموعي دوم آنه جنت أهملها

ما ريد الباري الوقفتكم بالمحشر إيطولها

بالشدات إويانه إوقفتوا الشدتكم إنسهلها

الشيعتنه إبساعات المحشر و رغم العده إنجللها

و حق دمعتكم الهلت عله إمصابي

الخطر ما يدنه من يمكم يا أحبابي

و بالمحشر إبعيد الخطر... ما دام وافيتوني

أوصف إلكم حالة سجني و السندي شمراويني

أذكر قنفذ من يجلدني و يتعاله صوت إونيني

إمصاب الزهره ما فارقني صوره إرسمتها ابعيني

هالمحنه نستني إهمومي هالمحنه التبجيني

و بأيدي القيد إشما يثقل هم القلب يلفيني

أتذكر حيدر متجتف و بس همي اليتجيني

علي الكرار صوب قلبي بالآمه

صفت أيامي صوره تشبه أيامه