منهج الخدام من زغري قريته و الله سجلته ابضميري و ما نسيته

منهج الخدام سجلته ابضميري لأن شفته ابنوره يهديني ابمسيري

منهج و راسم لي بالجنه مصيري هدف عمري بالنهج واضح لقيته

آنه بالخدمه أحقق أمنياتي و بلاياها فلا تسوى حياتي

ابخدمة أهل البيت مضمونه نجاتي حبهم الجذاب عالفطره هويته

حب الرسول النبي سيد البريه و ابن عمه الوصي حامي الحميه

بضعته الزهراء فاطمة الزجيه درب هالخدمه ابمحبتهم مشينه

و الله ما أنسى الحسن و حسين أخيه و أذكر السجاد بالونه الشجيه

على الباقر تبقه دمعاتي جريه جعفر الصادق إله عمري هديه

حبي للكاظم ضوه ابدربي أشوفه شعري بإسمه إبساع تترب حروفه

و الرضا والله أقسم ما أعوفه بيتي بالجنه ابولايتهم بنيته

للجواد ايميل عالفطره دليلي علي الهادي حبه للجنه دليلي

يبقه إمامي العسكري هوه كفيلي بالشدايد يا ما حشمته و نخيته

هذي أمانه و بالدمع أختم كلامي و الأعز إنسان آنه اهدي سلامي

هالسلام أهديه للمهدي إمامي اتولعت بهواه و بهوره تنيته

بهذا منهج خدمتي أكتب وفائي للرسول و عترته أعلن ولائي

يا إلهي حقق إبحبهم رجائي لأن عمري ابدرب خدمتهم فنيته