ماتجتمع ........نار ودمع

بالقلب جمرات ........ بالجفن عبرات

ياحيدر اشتختار ........ اجري الدمع لو نار

ماتجتمع ........نار ودمع

هذانه شبلك ياعلي انه الحسن ناديت... قبلك متت ياريت

ياعزه البيت الذي خطفوها مني البيت... من بعدك حتاريت

حتى الصخر ون وبجى الحالي والك ونيت ... واجرع غصص ضليت

قبلك يحاتفني الاجل يابويا وتمنت ... بترابك تواريت

قبرك المحفور ... منحجب هالنور

شلون نحجب ... ياللعجب

واحتارت الافكار ... اجري الدمع لو نار

يابويا دمعاتي مثل دم راسك المسفوح... حتى اليتيم ينوح

بعيوني دمع مصيبتك وبقلبي نار النوح ... شيضل بعد من روح

جفني مثل راسك غدا نفس الجرح... مجروح ولطبرتك مشبوح

ليله امس يمي جنت ما ادري عني تروح... رحت وتركت جروح

يا مصيبه تهون ... والامل مدفون

فقدك صعب ... صاح القلب

باصرني ياكرار ... اجري الدمع لو نار

يالجندلت عمر بن ود يالبلحرب فتاك... شلون الاجل ارداك

اتحمل جبال الهضم ولا لحظه من فرقاك... شلون بقبر القاك

اتمنى لو هذا القبر بيه اندفن وياك... ولا ناعي التنعاك

يابويا وشلون اللحد بين الترب واراك... وعن النظر اخفاك

فارس الميدان ... يسكن التربان

تنظم بلحد ... ما اعتقد

ظل الفكر محتر ... اجري الدمع لو نار

بدارك يبو الحمله جنت ويايه قبل بيوم ... يوم بقبر مضموم

ماضاقت عيون الوسف مامر عليها النوم... سهرانه تبجي دموم

روحي وياروحك غايبه قلبي عليك ايحوم ... شاي الجرح ملجوم

راح انتحب طل العمر خل اليلوم يلوم ... شيصبر المهموم

ليله ياصنديد ... كل صبر مايفيد

نار الحزن ... دمع الجفن

ما ادري عقب شصار ... اجري الدمع لو نار

بمصيبتك بويا ذكرت جم نايبه ومصاب... ياثالث الغياب

اولها فقد المصطفى عن عيني لمن غاب... خلف جرح وصواب

ثانيها يابويا ذكرت من هجمو على الباب ... ضلع لوديعه نصاب

ثالث مصيبه مصيبتك ماحاسب الها حساب... تتوسد المحراب

راسك المصيوب ... شيبك المخضوب

انحب صرت ... وتحيرت

عقبك يحامي الجار ... اجري الدمع لو نار

يابويا هالقوم الذي نعش الني عافوه... وبلا دفن خلوه

هم الي ضلمو فاطمه منها الفدك غصبوه ... اك الضلع كسروه

هم الذي صارو سبا لمصابك وعلنوه... من حقك السلبوه

هم الي رادو من قبل دم راسك يسفكوه... ولشيبك يخضبوه

هالامر محتوم ... دمك المظلوم

حين نصبت ... وتغيبت

ناديتك باعبار... اجري الدمع لو نار