وياكم وياكم عشنه بحزن وياكم

دمعة نوايب هليت و بلهفة الهم ناديت

تدرونه يا اهل البيت بكل محنه شاركناكم

لمن فقدتوا الهادي جينه و قطعنه الوادي

اوياكم مهجنه اتنادي و بفقده واسيناكم

و بكسر ضلع الزهره صابتنه نفس العصره

بضلع الوديعه و كسره بالدمعه واصلناكم

راس الوصي حين انصاب اتوجهنه صوب المحراب

نبجي الفقد داحي الباب بالعبره قاسمناكم

فقد الحسن و اهمومه ما ننسه شدة يومه

من جبدته المسمومه اتنثر جمر بلواكم

و امصيبة الطف بينه اتصبحنه و اتمسينه

بمذبح سبط هادينه للطف تعنيناكم

و الكربله اعله الميعاد جينه و لقينه الأجساد

و احضرنه ويه السجاد ندفن جثث صرعاكم

شفنه الحرم و الايتام مذعوره ما عدها اخيام

اتحملنه نفس الآلام و انحبنه ليتاماكم