هاي الليله إنواسي المهدي هاي الليله إنواسي المهدي

بدموع العين الهماله و اجروح التنزف جتاله

للغايب نشكي له الحاله من يا جانب لمن نبدي

هاي أصوات الشيعه اتنادي مظلوم و مسموم الهادي

و اتندبك دنهض يالحادي و بضعن أنصارك قوم إحدي

إنهض و السامره إقصدها عن جدك يالمهدي انشدها

جم لوعه و محنه الشاهدها صابر و يسامح و يعدي

لو نشكي لك يا مولانه تسمعنه و موجود اويانه

و إتشوف ابعينك دنيانه ما ظل معروف اللي يجدي

غيرك يبن الزهره اشعدنه طحنه ابمحنه انهض ساعدنه

نشكي يالحاشه اتردنه داوي اجروح البينه تدي