سِلمٌ لمن سالمهم...حربٌ لمن حاربهم

عنهم ولا نبتعد...من المهد للحد

حربٌ لمن حاربهم

إي والنجم إي والعلق والطارق...حبهم فرض عالسابق وعاللاحق

من انعرض حبهم عله الخلائق...قبل النطق قلت إلهم آنا اموافق

إسأل على أفضل عمل...بالكون كلشي ناده

حي على خير العمل...حب حيدر وأولاده

بالهالمعتقد معتقد...من المهد للحد

حربٌ لمن حاربهم

أول علي تسبيحة الكواكب...يا علي حته الله اعله عرشه كاتب

فرض الصلاه واجب وحبه واجب...هوَ علياً مظهر العجائب

شيخ ومثيله ما يصح...كبر الأرض مُضيفه

ما كو فتى إلا علي...ولا سيف إلا سيفه

بمملكته أبقه عبد...من المهد للحد

حربٌ لمن حاربهم

ثاني علي أذكر إلك صفاته...زين العباد التلقه الله ابذاته

والقاد ثورات السبي بعماته...ظهر الهزيلة صارت امصلاته

ما شفنه من قبله جبل...مجتوف قائد ثوره

جانت عباءته اعله الحرم...مثل الكساء بس حمره

بدمعه ايتوضه الورد...من المهد للحد

حربٌ لمن حاربهم

ثالث علي بنفاسه عطر القرآن...هذا الرضه وبطوس فاتح ديوان

الله يا قصره اشكثر بيه بيبان...باي باب توقف يحاجيك السطان

اسألني جربته اشكثر...شايل بحر حنيه

لو ردت منه قبته...يقول ابشر ومقضيه

صاحب بخت ينقصد

رابع علي آخر علي بالعتره...هذا علي الهادي ملك سامره

مو حضره دوله وعلم ذيج الحضره...متروس جفها ترد منه الفقره

جيرانه ينطيهم وأبد...ما منع عنهم خيره

قبته الطاحت طشرة...عالدنيه طيب وغيره

لقبته الذهب يستعد...من المهد للحد

حربٌ لمن حاربهم

ويّه علي الهادي الزمان اشعنده...صايم رجب والسم يقطع جبده

بالغربه يا شيعه يعالج وحده...وانكسر ظهر العسكري من بعده

وإنشال نعشه بهيبته...وحسين محد شاله

محد قطع له منحره...محد سباله اعياله