غريب و تعرف الغربه ..... عليك الحاجه مو صعبه

إجينه يالرضه الدارك ..... ترد حاشاك خطارك

عليك الحاجه مو صعبه

*

يبو امحمد قصدنه انزورك ابلهفه ..... حوايجنه عليك أبداً فلا تخفه

طبيب انته و عرفنه عندك الوصفه ..... وبوصفت دواك اجروحنه تشفه

عرضنه الشخصك الحاله ..... شجينه ابدمعه هماله

و دير اعلينه أنظارك ..... و ترد حاشاك خطارك

*

انته اللي شفيت ابطبك المعلول ..... و بريت الأكمه و شافيت كل مشلول

و حته اللي انقرض طبه و صبح مقبول ..... ووجهنه طلبنه يمك و شتقول

عليك أبداً فلا تصعب ..... و انته بالعطه امجرب

و محد فسر أسرارك ..... و ترد حاشاك خطارك

*

يبو امحمد اجينه نشجي غربتنه ..... الوكت تدري بعدنه عن أيمتنه

و جنه نعتنيهم نحجي شكوتنه ..... و يمك هالرست تالي سفينتنه

إجينه ابهذا مطلبنه ..... و حشه منك تخيبنه

الوادم تحجي بآثارك ..... و ترد حاشاك خطارك

*

لون مو بابك ندقها ندق يا باب ..... يا باب الرجه و مهيأ الأسباب

و خدام و إجينه و ما تهمنه أتعاب ..... و ندري اليعتنيك ابحاجته ما خاب

تزورك وفدة الخدام ..... تجدد هالعهد كل عام

إسمع صوت زوارك ..... و ترد حاشاك خطارك

*

و حقنه من نجيك و نشتجي حقنه ..... و تدري هالزمان القاسي لوعنه

و محد يالرضه ابها المحنه يرحمنه ..... و إلمن نلتجي و لا غيرك العدنه