شنهو صار و ليش مسوّد الفضه...قالوا الليله مضت شمس الرضه

روحي ليش اضطربت و شنهو الجره...تلعب الدمعه بعيوني محيره

اشصار بالكون و نظامه اشغيره...و السبب وين الذي يستعرضه

أنشد و منهو اليرد ليه الجواب...أقسم اعليكم بآيات الكتاب

ليش أحس جن صاير الليله مصاب...و أشعر اضلوعي مثل جمر الغضه

الناعي جاوب لاجن ابنبرة قهر...الزمت قلبي و ريت لا صح الخبر

صدق يعني القال بن موسه انغدر...ابحرقة السم جبدته فتها اللظه

انشدت هذا و ذاك لاجن للأسف...محد اجوابه عن الثاني اختلف

كلهم ايقلولي و المدمع ذرف...عظّم الله أجرك الموله قضه

ارتفعت أصوات البواجي النايحه...و أيست و اعيوني بالهم سابحه

الساني ميطاوعني أقره الفاتحه...اشلون أقنع نفسي بو محمد مضه

بيعه برقبتي الى اليوم المعاد...للأجل أبقه عله امصابه بحداد

كون أعزي بهالمصاب ابنه الجواد...و إله البيعه و الله عالناس أفرضه