بعينك لون ضاق الفضه .... اقصد يزاير للرضه

من توصل اهناك .... ادعي لي وياك (7 أبيات)

****

يا من تريد الموعظه خل فكرك اوياي

كل التجارب و العبر راوتني دنياي

اخذ التصيحه و احتذر من دنيتك هاي

و اتمسك بآل النبي يا صاحب الراي

لو شابجك جف الدهر .... بسم الرضه اتنول الظفر

و بلطفه يرعاك .... ادعي لي وياك

****

لمن تصيبك نايبه دهرك يجافيك

بصبرك تحزم و الصبر بالشده يكفيك

لو شاهدت خلص و الدنيه توليك

اكصد لعد قبرالذي من الهم ينجيك

يم قبره اطلب حاجتك .... و الباري يسمع دعوتك

مقبوله دعواك

****

لو ظهرت أشباح العسر و اتغير الحال

من دنيتك لا ترتجي لا عزه لا مال

اعمل عمل صالح و اخذ من طيب لعمال

الثروة التنفعك بالحشر و الشده تنزال

القبر الرضه بلهفه اعتني .... عقب العسر تصبح غني

بجاه اللي أغناك

****

من تعصف ارياح المرض و بعله تنصاب

اقصد القبر الهشموا ضلع أمه بالباب

أعني الرضه كلمن قصد يم قبره ما خاب

بزيارته اتنول الشفه و من كل مرض طاب

من تبدي تعرض حالتك .... لا شك يداوي علتك

لو شفته شافاك

****

لو ثقلت احمول الهضم و أيامك اتجور

اتعنه القبر شبل الهوه بمحرابه مطبور

من تدخل الحضره بشغف و اتشاهد النور

اطلب الحاجه من بعد ما توقف اتزور

عن مطلبك لا تمتنع .... قاضي الحوايج يستمع

و بموقفك ذاك

****

لمن تطب الحضرته و اتبث لهموم

تلقه المهج يم القبر بالنايبه اتحوم

تسمع هتافات الحزن تصرخ يمسموم

جبدك مثل جبد الحسن بالمحنه مالوم

بمصابه واسي شيعته .... صب الدمع لمصيبته

من تجري عيناك

****

رشح جوانب مرقده من دمعة العين

و انحب مثل دعبل و اخبره بحال الحسين

و اذكر مصيبة كربله كل فجعت البين

قله بدليلك يالرضه مستعره نارين

نار بكسر ذاك الضلع .... نار الذبيح المنصرع

دلالي وصاك

******