وينه اليعتني يا ناس وينه و قبل الفجر يوصل للمدينه

ويلي عله المسموم قضه العمر مالوم

وينه اليقصد و يسجب الدمعه و ابصوت الحزن من بعد ينعه

و يخلي أهل المدينه الكل تسمعه و يتعنه القبر طاها نبينه

رسول الرحمه من يوصل القبره عله امصيبة الكاظم خل يخبره

و يقله ابنك القضه ابسجن عمره صابوا جبدته و أسكن ونينه

و يصيح أنخاك يا سيد البريه دليني على قبر الزجيه

ليها أرد اعتني ابونه خفيه و قلبي امن الحزن هايج حنينه

يصيح ابصوت يا فاطمه الزهره اولادج بين من صوبوا صدره

و ما بين اللي انقطع بالسيف نحره و بين البلسجون امعذبينه

قومي اوياي يم الحسن و احسين نجيم اللطم و انهل دمعة العين

عله البلسجن جبده انجسم نصين ابسم هارون جبده امصوبينه