آه يا موسى بني جعفر الكون لمصابك تغير

يصعب امصابك علينه يا عزيز الله و نبيه

نار حزنك تدوي بينه و القلب لجلك توجر

من رسول الله صفاتك بالسجن تقضي حياتك

تنضرب و انته بصلاتك حزنك بكل جبد يسعر

بسمك يرفرف لوانه و كل سنة انجدد عزانه

و نبجي يا سور الدنيانه و الدمع دم يتفجر

عتب احنه وياك عندنه و انته يالكاظم ضمدنه

بالغرب و الله انمردنه و بوضعنه انته أخبر

عفنه قبرك بالمدامع و عندك اتركنه الودايع

يا ولينه و حقنه ضايع و العدو اعلينه تصيدر

ياولينه امصابك أعظم تنسجن والسجن اظلم

تنجتل بالسجن بالسم و جبدك من السم توذر

امصيبتك اعظم مصيبه يا من للباري و حبيبه

و العده النعشك تجيبه عل الجسر يا شبل حيدر

الشيعة بالعز و المفاخر شيعوا نعشك الطاهر

و الدموع من المحاجر تجري يا معدن الجوهر