يشيعه ودعوني إبدمعكم شيعوني

علي الهادي شبل سيد البريه ابويه حامي المرتضه حامي الحميه

و أمي فاطمه الزهره الزجيه أونن و الأعادي ما رعوني

لرض سامره جيت إمن المدينه أعاني من ظلم أهل الضغينه

قضيت و روحي ولهانه و حزينه العده إسموم المنيه جرعوني

يشيعه وبالحقد قطعوا صلاتي و هم السببوا لوعت حياتي

و عليًَ امرادفه أمست نايباتي حزين وبالنوايب لوعوني

يشيعه السم مرد جبدي و دليلي و طحت فوق الارض يلهب غليلي

تضعضع و انهدم و اتراده حيلي عله الغبره يريت اتشاهدوني

أنازع بالعزيزه و هذا حالي عله الوجنه الدمع يشيعه هالي

صحت يالعسكري ويبني يغالي عله القبله أريد اتجبلوني

سرت للباري روحي ابهالمصيبه لجن وسفه عله حسين و نحيبه

انذبح و اعياله مسبيه و غريبه اعله ابو اليمه و مصابه ناوحوني