حيره هالقمر ما ينوصف حيره

إذا سماه علي عباس أبو الغيره

أبدي لك و اخذ هاي البشاره من معنه الوصف إخذ العباره

يا هو القبل ايمينه و يساره منزل آيته و بشرف تفسيره

هذا البيه تتباهه الإمامه من ينطق الآيات ابكلامه

هذا السوه برض الطف قيامه هذا الخوته ما صارت ابغيره

هذا اللي أبو الحسنين راده و بطف كربله حقق مراده

ايصير اعضيد لحسين بجهاده يستارث علي و يرسم تصاويره

هذا اللي تكفل خدر لخدور خله للوفه و الخوه منشور

إنشد عنه ياللي اتريد عاشور بعده بالطفوف امدوي تكبيره

استارث و النعم من عوده عباس حيدر ثاني بالطف شافته الناس

و أصبح للوفه و الخوه نبراس آيه و العقل ما لاح تفسيره

شاطي امطوقينه ابطوق فرسان صف اسيوف صف ارماح صف زان

لكن من قصدهم قمر عدنان خله الموت بيهم كالشل طيره