بويه سطى دهري عليه وخان بيه وما مر على بالي اعيش الهالرزيه

بعدك يبويه ما ابالي ابهالمصايب وعيني رأت جسمك اموزع بالترايب

وعاينت عماتي عقب ذبحك غرايب عقب الخدر ضربوا الحورى آل اميه

وين الهنا وجسمك على صدري حملته امكسر يبويه من ركيض الخيل شفته

وتالي بلا راسك يبواليمه دفنته وطفلك معاك ابحفرتك يبن الزكيه

واقبال عيني عاينت مرمي شبابك وحسيت من عفت العمر اشگد صوابك

اي قلب هاللي ماتذوبه من مصابك بويه وتعلمت البكا فى الغاضريه

ولغريب ليمن مات فى ابلاد المسلمين لازم ايجهزونه القبره يا ضيا العين

وتميت مرمي ابلا دفن عالترب يحسين وجدك رسول الله يبن حيدر وصيه

لاجهزوا جسمك ولا لفوك بكفان ما بين راسك والجسد يحسين بلدان

اشلون اهتني بالماي يالمذبوح عطشان وخدي اوسده وخدك ابغبرى رميه

فى وداعة الله برجع السجني ولغلال ويوم الأرد الكربلا ياسور لعيال

لازم اجيب الراس وياه روس لبطال لجل الجسد بارجعه يبن الزكيه