آخر الأخبار

ديوان السادة

قتل الحسين

13 سطرًا

مثلك الناعي سمعته ابذبحته يم البنين شقي جيبك يالحزينه راح من ايدك حسين

ويوم سد بابه عضيدي وعاينت بيته خلي صحت ياحسرة افادي مايردوا لي هلي

واسمعت بالغاضريه ذابحينه بوعلي وهذا علة يوم اسمع من قبر جده حنين

عايني ابيوت الهواشم ما بقى فيها احد وعقب خيي حسين ماريد اسكن ابهاي البلد

وخوفي اعلى فاطمه الكبرى تموت امن الوجد افراق ابوها زاد علتها وتجذب للونين

وطوحت ام البنين اونينها من ونته انچان هالناعي ينعي ياعزيزي ابذبحته

تنشر اعلام الحزن وانوح يبني الفجعته ونظل طول اليوم نصرخ واحسين واحسين

وبقت تبكي وياه وتلطم والمدامع ساجمه واقبلت من عقب ساعه اتصيح عنده فاطمه

عمي يمحمد ابويه حسين داره مظلمه وفرقة الاحباب ياعمي اتركتني ابعلتين

بويه واعدني ابوعد حاشاه أبوالشيمه نساه ايطرش الاكبر عضيدي الكربلا امشى وياه

صاح الله يرحم ابحالك دقعدى فى عزاه ذبحوا الاكبر حبيبك قبل ميذبحوا حسين

ماترين اركان طيبه امن النواعي امزلزله وصايح اينادي اذبحوا المظلوم ظامي ابكربله

ليت عمك ياعيوني جثته متجدله ابكربله ولا كنت اقاسي لوعة افراقي حسين

شارك هذا المحتوى
12٬855مشاهدة