جاسم بُرز للگوم

جاسم بُرز للگوم جمرة غضب عيناه

لابس چفن ويصيح ثوب العرس عفناه

جاسم جلس مهموم تهمل دمع عينه

يسمع ندا المظلوم ما واحد يعينه

وإذكر المسموم والعوده ابيمينه

خط الحسن مرسوم أمر الحرب نلناه

هذا الأمر مولاي من سيدي الهَا ليوم

جاهد يا ضي عيناي عن عمك المظلوم

جاسم يا كِل رجواي هذا الأجل محتوم

يابني ودخر دنياي هذا الفخر رِدناه

گال الشهيد حسين من شاهد المكتوب

لازم يا نور العين يتنفذ المطلوب

نعقد عرِس في الحين بِ امخيمي المنصوب

واتخضب الچفين عودَك تگر عيناه

جاسم فِزع في الحال واتجارت ادموعه

گال الزواج امحال وآنا السبط طوعَه

بس الحرم وأطفال هَل عِلگن اشموعه

رمله تصيح اهلال بِالونه زفيناه

جاسم أسد غضبان وبچفه البتار

بس اسمع العدوان صاح ابگلبه النار

يا خيرة النسوان هذا موعد الثار

گطع الرِّدِن نيشان يا سكنه خليناه

طب للمعاره ايصول وبچفه الصمصام

صب عِ الرجال الهول شِبل الحسن جسّام

يحصد عِداه ويگول خل يبرز الظلام

والما يظن ايزول عَ الغبره جَدلناه

جاسم شهم ما هاب من صولة الأبطال

چَن يركع ابمحراب يصلح شَيع لِنعال

خر جاسم على اتراب من صوبه الأنذال

صاح العدو المرتاب ابن الحسن صِبناه

جاه الشهيد ابساع ووچب يضم جِسمه

شافه ابحال انزاع جرحه نزف دمه

شاله وصاح أوداع للنسوه ولأُمه

فتحت حزينه الباع تصرخ واحُسيناه