اسمع هالخبر اسمع نهج المرتضى المرجع

علي بكلبي انحفر اسمه علي اليسري بشراييني

جنين ومن صدر امي علي الدر يغذيني

واذا جان الفقر حيدر اريده وهوه يغنيني

واذا هم جلجل عليه اسم حيدر ينسيني

فلا كفاني وسع الكون حب حيدر يكفيني

واذا حبه يدخل نار اكل للنار احركيني

حب حيدر يطفيهه يكلبهه ويخليهه

مثل جنة عدن ترجع

جنني عشك حيدر شوصف تعجز الاوصاف

علي بكبري حضر وياي منكر ينذهل لو شاف

بالبرزخ شهر فقار خذف كلبه نكير وخاف

تسكن روحي من يحضر يسكيهه زلال الصاف

ينضف صفحة اعمالي يبدلهه بحسن والطاف

يختمه بشمع احمر يجلدهه بياض اغلاف

يختم عالغلاف امره بسم احمد ابو الزهره

للخالق كبل ترفع

اضنن بالشمس تبدر ولا ضنيت ليث اسباع

اشوفك يا علي مطروح وانته اللي تشك الكاع

بيك اجسد الاسلام طبع الهادي بيك اطباع

سفينة نوح اضن غركت شلون الجفن صار اشراع

يموسه اللي تصد فرعون يطالوت الذي صراّع

يداوود اليشك ادروع عينك تغفه يا درّاع

يخناك المنايا تروح من عدنه بكلب مجروح

تابوتك عفه تشيّع

سيف اللي طبر حيدر اثر بالزمن اثر

خلافك احنه ايتامك من بعدك حوانه الشر

يبو نهج البلاغه اليوم يجادلنه الوكت مختر

ضاع الدين واركانه اصول الدين تتغير

عفه كلي شكثر صبرك تشوف الضلع يتكسر

يبو الحملات اعرفنك واعرفك ليث ياحيدر

اخبرك عن صور بالطف دم نحر ابنك الماجف

وبسيف العده اتكطع

اخبرك يا عجيد الكوم صدر احسين يتهشم

واجفوف الوفه انكطعن عباسك علي اتخذم

واخبرك عن علي الاكبر توذر بيهه واتالم

واخبرك عن عرس جسام واشموعه انطفن بالدم

رضيع وما سلم بيهه شلون احسين يتشتم

واخبرك عن سبي زينب عليهه الوكت يتحزم

غريبه ولاولي عدهه اجماله اشماته تنشدهه

يا هو ينشف المدمع