جيت ارد انشدك ياطبيب الكرار عن هل الجرح واضماده شوگلي شصار

جيت ارد انشدك عن علي گلي اشبيه اقسم عليك بامي حيدر داويه

هذا الجرح كلش كلف ومأذيه گاللهه يا زينب ودمّعه المدرار

گاللهه يا زينب كلف كلش حيل ما ينگطع نزف الجرح مثل السيل

واصعب واشد واكلف لون چلّ الليل لاشد يفيده شما اشدّن بأزرار

لاشد يفيده وينگطع منّه الدم اثّر يزينب بالجرح هذا السم

هذا الجرح يا زينب اشگد الّم راس الوصي من هالجرح شب بالنار

ماترهم وياه هالجرح كل چاره كلما اشدن ينفتگ بازراره

ماتنلحم بالزر جميع اكتاره من هل الجرح هذا الفكر عندي احتار

حاير يزينب بس اعاين جرحه هاي المسيه انهدم حيدر صرحه

من سمعت بهاذا الوصف وابشرحه صاحت يبويه وياعمد هذا الدار

صاحت يحيدر هل الجرح الّمني ذوبني بالهم والحزن ذوبني

ذكرني جرحك بالضلع ذكّرني ذكرني جرحك بالضلع والبسمار

گلبي انشطر يابويه من هل الجرحين شنهي المصيبه اللي دهت هاي منين

دم ينحب عليك الحسن ضل واحسين لو ردت هاي وتنشد علينه شدار

گلب الزجيه من الحزن ما ينقاس من طبرت السيف النزل فوگ الراس

يابويه بالهم والحزن ضل عباس يلطم عليك بالم يا حامي الجار

آلمنّه جرحك يا ولي وشأثّر غيّر صفاته الفلك بويه شغيّر

جن وانس والملك يصرخ حيدر ياحيدر الدين وصفّي المختار