يا مهدي

للشاعر: نادر التتان

عجل يمهدي

تطول الليالي بين الحجيج وصبرك يشب جمر بالمهج

نسينا العمر نسينا الفرح وظلت عبارة يمتى الفرج

أو حق الحسين و دم كربلاء صعب هللي بينا نتحمله

نريد الزيارة في حملتك ولا عدنا غيرك ونسئله

تشوف العالم تحزم وكل من على السفر عزم

ضريح حسين ينادينا وينخينا من محرم

يمهدي وياك لو انزوره لو التأشيرة موت ودم

نذوب عليك وإذا تحضر بعد بالدنيا ما نهتم

عجل يمهدي

نشد الرحال ورغم الخطر لأرض الحسين نحب السفر

أو كل خطوه يابو صالح نظل نسايل عن الظهور القمر

مدامعنا بسمك مقيده يمن مانسى أبد موعده

إلك هالعزا و الك كل الحزن يثار القتيل سليب الردى

إلك عشّاق وما تبرَد ونار اللهفة ما تخمد

عساك تشوف وتسمعها تناديك بألم يشتد

يجمّعها قبر جدّك وبسم الزهراء تتوحد

تنادي أدركنا يا مهدي ظهورك يمتى يتجدد

عجل يمهدي

سلام الأحبة يا منتظر سلام الحنين وشوق استعر

من الزايرين ضريح الحسين من الشيعة يا اعز البشر

نزورك اذا نزور الشهيد نزورك يا منتظر من بعيد

و نقسم لك بنزيف النحر ابد ما تظل غريب اوحيد

اذا جدك بقى حاير ينخي بروحه بلعاشر

ابد ما ترضى لو تظهر تضل وحدك بلا ناصر

فداك الشيعه يالغالي وكل من يعشقك ثاير

تعبنا من الغياب احنا يريت ترد ولا تهاجر

عجل يمهدي