عجَّت العصرين و اسّود الفضه من طحت يحسين يبن المرتضه

من طحت وياك طود الدين طاح و هب حمر يحسين بالكون الرياح

و عجت العصرين لاجن بالصياح سيدي و العالم اسود ابيَضه

لون ما شبلك و هو زين العباد يظل من بعدك و بيه تحيه البلاد

هوت فوگ الواسعة السبع الشداد و الدهر يفنه و منيته اتقوضه

ريت سيف القاضية يفني الدهر و للبرية التلف و الموت الحمر

و لا يبو اليمة يبن سيد البشر دمك سيوف الأنذال اتفيضه

آه يا ريحانة الهادي السليل بالهجير اعلى الرمل تمسي چتيل

و فوق صدرك و الظهر تلعب الخيل آه و اعظامك اتبات امرضضه

يمن جسمك روح و العالم جسم چيف عگب الروح ما جسمه يعدم

آه مهرك من طحت فر للخيم يظن غيرك يا شهم يستنهضه

بالمباني ما وجد غير الحرم لوى اعنانه و سدر لاچنه انهضم

وگف عد راسك يصاهل يا شهم ايحسب حي و بيك يحسين ايحضه