بحسين يا حادي الظعينة ما تمرون خلنا نودّع جثّة الوالي انزاعه

اُو سكنة تريد اتودعه اُو تقضي اُو داعه بلكي يحاكيها اُو تخبره ابحالها اشلون

مروا اُوهوت سكنة على جسمه تنادي إفراقك يبويه راعني اُوذوّب افادي

صرنا يبويه بالأسر بيد الأعادي سافر ظعنّا ابعجل ساعة ما يريضون

خرّت اُوشقّت جيبها واَغشى عليها وانكسر قلب الكان شامت قبل بيها

ضمها ابصدره اُو سمعته يوصي عليها بالماي ذكروني يشيعة من تشربون

يا شيعتي من تشربوا ماي اِذكروني اُونصبوا مآتمكم عليّه واندبوني

وانا يشيعة ابغير جرمة أذبحوني اُومن فوق صدري خيلهم قاموا يرضّون

يا ليت أهلي حاضريني يوم عاشور إيشوفون طفلي اِشلون قلبه بالظما ايفور

فرفرت روحه اُوظل يويلي ابعينه اِيدور شربة ردت له اِمن العدى اُوعيّوا ما ينطون

اُوسكنة اسحبوها القوم عن جثة ابوها باسياطهم يا غبرة الله يضربوها

اُوظلّت تصب ادموعها من ركبوها واتقول يابويه افراقك موش بالهون