رفع الرّأس الشّريف

غاب البدر واتكوّرت شمس المضيّه وارتفع راس حسين فوق السّمهريّه

غرّة جبين حسين لاحت فوق عسّال شمس الوجود يصير جنها مطلع هلال

أرض وسما تزهر بنوره قبل ينشال وبس ارتفع شعّت سماوات العليّه

اتفكّر وعاين للبدر ليلة تمامه تلقاه كامل لكن بوسطه جهامه

و راس الشّهيد حسين بالجبهه علامه صواب الحجر فجّر دم الجبهه الزّهيّه

لو عاينت بدر السّما ليلة كماله مطوّق وحوله من شعاع النّور هاله

جنّه حبيب المصطفى وحوله ارجاله مثل الأهلّه منثّره فوق الوطيّه

ياللي على الخطّي ترتّل بالتّلاوات بالكون مثلك ماحصل يحسين هيهات

فوق الرّمح راسك وتقرا سوَر وايات والجسد بالرّمضا تدوسه الاعوجيّه

نوب بْوعظ تخطب ونوب بزجر تنزيل تقرا الكهف وانتَ على العسّال تأويل

ونوبٍ تخوّف هالارجاس بسورة الفيل كلّه و لا لانت قلوب النّاصبيّه

و اللي يريد يعاين اهوال المصيبه يعرّج على ام اهجام و يشوف العجيبه

ايعاين اشصَكّت بالحجر ذيج النجيبه متواعده اويا الدّارمي بنت الدّعيّه

واعلى الشّجر منصوب تتساطع انواره يا غيرة الله و يرجمونه بالحجاره

و ينصبه يزيد الخبيث اببّاب داره و بالطّشت والمجلس تأمّل للقضيّه

نسل الخنا يفرّق شفاته بخيزرانه تذكّر بدر و اشيوخها و هاجت أضغانه

ومن شاف نوره اللّي سطعكسّر اسنانه ونادى استوفينا الديون الاوليّه

{ الناظم }

ياللي ابراس السّمهريّه يسطع اضياك لبجي وابجي عليك طول العمر وانعاك

أنخاك و انا اعتقد متخيّب الينخاك الخادم محال يخيب يالشّمس المضيّه