خطبة الحسين يوم عاشوراء

توسّط حبيب المصطفى صهوة نجيبه منبر جواده والسّبط صاير خطيبه

قلهم أناشدكم و قولوا بالصّراحه تدرون انا جدّي النّبي ربّ الفصاحه

وهذي ثياب المصطفى وعندي سلاحه وامّي البتوله بضعة الهادي النّجيبه

قالوا نعم قلهم اشلون تحاربوني دمّي تبيحونه بيا سايه اخبروني

حتى مباح الماي عنّه تمنعوني هذا رضيعي العَطش فَتْ قلبه لهيبه

مستحل منكم مال لو مطلوب بدْموم لو بدّلت سنّه وشَرِع غيّرت ياقوم

هالماي مَهْر امّي و انا امْن الماي محروم ردّوا عليّ جواب فعلتكم غريبه

قالوا نريدك تخضع الطاعة ابن زياد تنزل على حكمه و يفعل كل ما راد

قلهم دعي وهيهات مايحكم بالامجاد احنا الحجج للخالق وجدنا حبيبه

تقطع جفوفي ولا إلى الطّاغي أمد إيد و الفاجر ابن زياد ما طيعه ولا يزيد

شرع الإبا منّي وبالذّل ألوي الجيد بعزّ وشرف لازم اتحمل كل مصيبه

جدّي يقول حسين منّي وانا من حسين لازم اتحمّل كل مصيبه النُصْرة الدّين

ولو تذبح اطفالي وتسبى هالنّساوين واقضي بظماي وتنغصب نفسي غصيبه

طغيان ابن هند الرّجس لازم أزيله ولو يظل جسمي اعلَى الثّرى محّد يشيله

ويوم الحَشِر باصير للشّيعه وسيله وبْكَربلا قبري حصنها التلْتجي به