في مجيئ الحسين لمصرعه

يحسين قوموا مْن الخيم ذبّوا العمايم هذا بدركم مِنْخسف ياولاد هاشم

يحسين ثور من المخيّم جيب شيّال سردال جيشك لا تتركه فوق لرمال

عنكم ابوفاضل مشى وضاعت هالعيال دركه تراهو بجانب المسناة نايم

طفّح جواده ووقف يمّه ودمّه يسيل ينادي يبو فاضل علينا حاطت الخيل

ياهو اليباري هالحرم لو هوّد الليل وانا بعد ساعه على التّربان لازم

لكن يخويه وين بتّارك طرحته قلّه يخويه انقطعت اجفوفي و تركته

لو سلم جفّي جان هالبيرق نشرته وردّيت للخيمه وجود الماي سالم

قلّه يخويه بو الفضل في وين الجفوف قلّه يخويه اتقطّعت مابين لصفوف

دمّي على عيني جَمَد يَحْسين ماشوف نشّف ادمومي يابقيّة آل هاشم

نادى يخويه لَغْسِل بدمعي دمومك تمنّيت جان الهالحريم الله يدومك

لكن يخويه ابهالارض يومي و يومك وتضيع من بعدي وبعدك هالفواطم

تخوصر علىعضيده يودعه وصعّد انفاس يا جمرة الكون الذي ماقطّ تنْداس

ظهري تراهو انكسر من فقدك يَعبّاس طاح العلم واتفلّلت منّي العزايم

عزّم يشيله للمخيّم قال ما روح خلني على الشّاطي أعالج طلعة الرّوح

مَقْدَر أروح الخيم وانظر زينب تنوح وانظر دمع سكْنه على الخدّين ساجم