الحسين يرسل لزهير بن القين

وصّل رسول حسين لزهير الجلاله يسأل مَن زهير الذي طابت خصاله

قلّه أنا زهير اشْمَرَام اللّي تريده قلّه يريدك بو علي بلهجه شديده

كلمن سمع ذب الطّعام اللّي بإيده والكلّ بقى محتار من ذيج الرّساله

يقولون محنا شيعته ولاحنا انصاره حتّى بمَنَازلنا بعد نكره جواره

ولنّ النّجيبه تصيح من خلف السّتاره تِبدي ملام زهير وتعنّف رجاله

يَزهير يبعث لك ابن ستّ النّساوين و ماتسرع تلبّي و هو عز المسلمين

خلّ الطّعام وبادر وسلّم على حسين وبلّغ سلامي وياك واسأل عن أحواله

بس ماسمعها هاج عزمه ونهض مذعور وصّل لبن حيدر ورَدّ بقلب مسرور

يقلها يحرمه وداعة الله اليوم النشور بَنصر شبل حيدر وادافع عن عياله

غزوة بَلَنْجَر ذكّرتني ابهالسّعاده و بشّرني التّاريخ باسباب الشّهاده

موالي علي الكرّار وموالي اولاده واهل الغدر عاديتهم واهل الضّلاله

ديلم تقلّه وداعة الله مْع السّلامه و الوَعَد عند المصطفى يوم القيامه

نلت السّعاده بنصرتك بيت الامامه بالحال ودّعها ودمعه بانهماله

يقول الله الله بعيلتي بعدي احفظيها و بنتي الزّغيره حافظي دايم عليها

و لو سايلت عنّي بجيتي واعديها واجرج يحرّه على النّبي المختار وآله

قوّض بظعنه وراح قاصد نصرة حسين منحرف جان ورد رجع للفاطميّين

سلّم على ابن الطّهر واخلص مذهب ودين ويقول سبط المصطفى روحي فدا له