يمم ابحسراته أوقف وقفة المسكين يم السبط شابك على راسه بلیدین

يقله يسبط المصطفى شلي ترى لي تایب تری جيتك يالمدلل الغالي

اتعطف عليه يلولي وارحم بحالي انا اللي بيكم جعجعت بالدرب يحسين

مانع صرت بينك يسيدي وبين لرجوع ما كنت أظن إلهالكثر تتألف جموع

وتصير حتى عن اورود الماي ممنوع قلبي انكسر لجلك يفرخ الهاشميين

وإنچان لي يحسين توبه ابهالخطيه من فضلك اتمن ابعجل بيها عليه

يحسين روعت البنات الهاشمية شعذري عند جدك ومكسورة الضلعين

قله العبد لي تاب الله عنه يتوب يغفر خطايا عن عبيده ويصفح اذنوب

اتفضل اعرفك من أنصاري اليوم محسوب مكتوب تحظى بنصرتي بعالم التكوين

حاز الشهادة ابكربلا وارتفع حظه واعلى الشهادة امحمد بطيبه ايتلظى

كلما تحسر قذف مثل الجمر لفظه واتلوع بلوعات حزنه وصفق ليدين

***