المستهل :

مسلم اعصار أمس ثار

بالكوفه

يطلب ابثار حمى الجار

بالكوفه

مسلم اربات ابو اليمه علي يعني مامات

ابواليمه علي

***

1

حذر اوكال لمن صال

على اجيوش ا لكفر

انتو منطين للحسين

كتب دعوه اشكثر

بايعيتوه اودعيتوه

يجي اوماظل عذر

تالي خنتوه اونكرتوه

هاي الابلاد بالأحقاد

معروفه

والغدر عاد والأوغاد .

بالكوفه

بيها عدوان لبواليمه علي

عدهم أضغان لبواليمه علي

***

2

جيش الأصنام والأقزام

تهاوت رايته

أهل الاحزاب والالقاب

جفت مالاكته

والتفت شاف بالآلاف

جموع الخانته

قرر ايفوت على الموت

طموحه اوغايته

رد الارتال والابطال

معروفه

ذكره لازال للاجيال

بالكوفه

يملك اصرار ابو اليمه علي

بيده بتار ابو اليمه علي

***

3

طوعه تنخاه على اعداه

جموع الظالمه

تكوى يمناك علي اوياك

يراعي الغانمه

خلها الايام يضرغام

شهود الملحمه

عالمظلين الك دين

وحك رب السمه

تحمي ثايات ابو اليمه علي

اوتحيي حملات ابو اليمه علي

***

4

عمه سلطان أمس جان

علي حامي الحمه

باني الاسلام والأيتام

عليه متعلمه

ماملك دار بالآجار

سكن بالعاصمه

اودارت اليوم عليه كوم

حقوده اوناقمه

خالفه الجيش * غدرليش بضيوفه

يعتذر بيش * اذا يعيش بالكوفه

من موالين أبو اليمه علي

من محبين ابو اليمه علي

***

5

بين الارماح هوى اوطاح

عميد المرجله

زخم الصفوف والسيوف عليه مستعجله

ما اله انصار والاخبار

بعد ماتوصله

ضعن الأطهار بالآثار

يريد الكربله

عرفوا الصار والاسرار

مكشوفه

*حقد الأشرار اله اوكار

بالكوفه

هالحقد بات لبو اليمه علي

اوهالعداوات لبو اليمه علي