المستهل:

يا جيوش الطاغيه أين المفر؟

قرر العباس يحتل النهر

0اخته تشكي امن الضمه اومن سمع بت فاطمه

قرر العباس يحتل النهر

***

1

هالحدث بالغاضريه نقلته اخبار الرواة سمعوا اجنود الطليعه اتحذر اجيوش الفرات

للنهر خيال اجاكم ضاعفوا اعداد الرماة فارس الكرار جنه اويمتلك نفس الصفات

اعلنوا الانذار وأجراس الخطر هذا لو عباس لو فارس مضر

هالنزل للملحمه من سمع بت فاطمه

قرر العباس يحتل النهر

2

صاح أنه العباس جندي ابعسكرالعز والأباء جان أعظم أمنياتي التحق في كربلاء

حتى أضحي اسنين عمري ابخدمة أصحاب الكساء اوهسه زينب كلفتني اوهيه بت خير النساء

بت نبينا المصطفى خير الانام كون تعطش جا على الدنيا السلام

اويمها ابن حامي الحمه من سمع بت فاطمه

*قرر العباس يحتل النهر

3

زينب الحره الابيه اوبت علي حامي الدخيل هوه خلالها أمانه ابركبتي اوآنه الكفيل

يمي تعطش وآنه اخوها غير أسوي المستحيل والفرات بكبره أجيبه خاشع امدنك ذليل

*هذا يومي اوهاي ساعات الظفر هالكتايب رايح أحشرها((السقر))

اوثار راعي الغانمه من سمع بت فاطمه

قرر العباس يحتل النهر

4

ضجه صارت بالمعاره واختلف وضع الصفوف مابعد تندل دربها او تيهت حتى السيوف

خوفها امسيطر عليها جنها بالمحشر تطوف وارتجز حامي الضعينه اوكام يخطب عالألوف

(( ها أنا العباس اغدو بالسقا لا أهاب الموت يوم الملتقى ))

اونار يجدح صارمه من سمع بت فاطمه

* قرر العباس يحتل النهر

5

من طلع ساقي العطاشى امصمم اوقاسم قسم يوصل الشاطى الفرات اوينزل أيدك العلم

مو سهام الدنيا تمطر حتى لو تمطر حمم جوده رغماً عالعساكر يوصل اطناب الخيم

تفطر الصيام لو هل الشهر والعيال امتانيه ايهل الكمر

بالخيم متألمه اومن سمع بت فاطمه

قرر العباس يحتل النهر