يا لثارات الحسين

صوت نحر حسين كبر وانولد للغيره منحر

يا لثارات الحسين

نمشي والرايه محرم والعهد مكتوب بالدم

***

صوتنه بعاشور ثوره تقود هالثوره المناحر

حبنه صار اسنين خالد رغم عن كل المخاطر

واحنه عدنه الغيره امانه من حبيب ابن مظاهر

هسه جاي تريد اغير فكري والغيها المنابر

انت ضل بالجاهليه كربله النه هويه

نمشي والخطوات عين

روح واقره بكل صحاحك صفره متهمني رياحك

يا لثارات الحسين

***

ناصبي وطبعك اعرفه ومو جديد عله النواصب

لا تضن غدرك يهمني لا وحك ام المصايب

انه متسلح عقيده اعلى من كل المناصب

ثار عندي وياك لتضن يترك الثار المحارب

عيش باحلام الضلاله تمنع الحق استحال

احنه عالحق سائرين

عدنه حب حسين خالد نبقى من اجله نجاهد

يا لثارات الحسين

***

نقسم باطهر مناحر نقسم بلحضة شهاده

بيها رب الكون قرر منهوا اصحاب السياده

نبقى عالمنهج الثابت عالجهاد وعالعباده

وسوي انت شما تسوي احنه اصحاب القياده

وكربله شاهد علينه من نجي بيوم اربعينه

ارواحنه فوك الادين

ما تهمنه احقادك انت وجم نحر بيدك ذبحته

يا لثارات الحسين

***

احنه جون وعابس احنه احنه لجل حسين ثوره

عدنه ثار وما نعيفه من السقيفه سنين عمره

بجيش داعش يل نواصب هاجت الاحقاد جمره

وهذا كله من اديكم من اميه وذاكه كفره

عدنه الاف الدله عليكم وكلشي بمحله

انتو مطلوبين دين

حسين كعبه ويبقى حبه وبالدمه الطاهر نكتبه

يا لثارات الحسين