ايا تل اعتنيتك شاعر بلا روح جبت روحي قصيده وقافيتها احزان

ومسافة حزني تفتر عالطفوف اعيون وكل عين الافكها تشوف الف ميدان

احس الكاع تركض والمسافه اسهام من كل كتر خوف وخيل للعدوان

ركض كلشي ركض ما ضل امان هناك لا بيت اليلمهم لا ذره لصيوان

واصوات استغاثه وخوف يتبع خوف سكته الموت يحجي والمنايا لسان

احجي..حيره من ارداسولف استحي من الصوت اسمع صوت زينب تجمع النسوان

ابجي..العبره صارت بالضلع بسمار خاف ابجي وافزز كل طفل عطشان

امشي..لا اضن هذا الاثر لحسين اوكف خاف واكف فوك دم قران

يا تل واحس حتى الثواني سيوف امشي بلا جدم خاف اسحك الرضعان

خاف هنا وكع لا بعد يمكن غاد حيره بكل جدم الكي جدم تعبان

واذكر يم مخيم بي نزل جبريل احس ناره بعدهي واشتم الدخان

ذيجالرايه اضنها واضن ذاك الجود اي هيه الشريعهالشايله الذرعان

أي ذاك الفرات بوجهه لون الخوف بعده وبعده مايه يدور الغفران

يا لوحة حزن ترسم يتل الصار والدم المقدس خالط التربان

لازم من ازورن ازحف انه ازحوف اقبل كون كلشي الكاع والحيطان