كمر هاشم عالنحور كتب والسيف يشهد

رساله بلون عاشور ورفع راية محمد

كتبهه بلهجة الثار ورسم عالماي بسمار

كتب والسيف يشهد

***

السيف من يكتب قضيه حبره من دم المناحر

والمخاطر الهه اهلهه تدوس بصدور المخاطر

والفوارس بالمفاخر تملي صفحات الدفاتر

ما تجفل بخطفة سهم لو تركب خيول الندم

تختار خطوات الجدم تصنع العليا منابر

وكمر هاشم والسيوف تخاوه وما تردد

كتب ما بعد الحروف خله لكل بطل حد

ولوه عنان الشريعه خرق حتى الطبيعه

كتب والسيف يشهد

***

الماي ما جان القضيه لا قضيته هوايه اكبر

كمر هاشم لو مبايع جان هالواقع تغير

جا نسينه معنى زينب وما عرفنه الله واكبر

لو ما مواقف هالبطل جا عشنه بايام الجهل

لو تلكه واحدنه هبل مسخ يقره اعله المنابر

ولو ما خطته هاي باب الخوه ينسد

كتبهه بوجنة الماي اسوي الوفه معبد

واطلب ثار بسمار وجبد لسا اله نار

كتب والسيف يشهد

***

حسين صح اصل القضيه صح تكلف بالرساله

بس ابو فاضل كفلهه وضحه عمره بكل بساله

وال هاشم كلهه جانت داخله بضمن الكفاله

وهاي القضيه مقرره من النبي ومن حيدره

يكفلهه سبع الكنطره والعقد هجي اكتماله

عقد وتكون الأرواح اله عنوان ممتد

واله العباس مفتاح يفك كل باب ينسد

مثل حيدر بالحروب وجفه قالع البوب

كتب والسيف يشهد

***

والقياده تريد فارس يعرف فنون القياده

وصبره كون يلم قضيه تاجهه تكون الشهاده

والنصر لازم حليفه يكون والعزه مراده

وغير الكفيل لكربله محد قبل هالمسأله

رايه وسقايه وعايله وحرب ودموم واباده

وياهو المثل عباس عله الكلفات يصعد

ويملك اشرف إحساس مثله وبي تخلد

قائد مثله ما صار بصفاته وصار مغوار

كتب والسيف يشهد