طايح على الرمضا وكفوك قطيعه ضامي الحشا وشلون ويم الشريعه

خويه يبو فاضل يا بدر الهواشم هدا الخدر بحماك محروس و سالم

بشمالك الرايه ترف وبيمينك الصارم عن العدو حصنك يا خويه منيعه

إفدي لخوك حسين وإرخص المنحر حاير أخوك تشوف حاطته العكسر

إبرز يروح إختك وبيا علي إزئر إنصر إمام الحق ابن الوديعه

بهيبة علي الكرار وبعزم زلزال دك الاعادي يا سبع والقوم الاندال

عباس يالطبعك وفا وتشهد الابطال وإيمانك للطاغوت لا ما تبيعه

من حر العطش أطفال تلهب مهجها جيب الماي يا عباس وطفي لهبها

وسْكنه تناديك بصوت وتعرف طلبها وحسين الغريب يُوصيك عجل بالرجيعه

شتت جنود الظْلم وأتباع الشيطان وإسقيهم سعير الموت يا أسد عدنان

وإقصد للنهر لمه وإرجع للصيوان تنتظرك أطفال بأمل وحاله صديعه

بالغدر حاطوه وقطعوا يمينه حتى شماله قطعوا وفضخوا جبينه

وبسهم الحقد يا ناس صوبوا عينه وماي العذب طشوه والحاله فجيعه

معذور يالكافل لكن بعاتب ترضى تشوف إختك بين الأجانب

و زجر على متني بسياطه ضارب شكواي للباري ولجدي الشفيعه