من گلُب مهموم تندِب الزهره

يالحسن تصرخ حزينه آيمسموم

=

والدة وحﮕها لابنها اتصيح مهمومه

تبچي و توِن ابنِياحه ابونَّه مكتومه

مات ابنها المجتبه ابلوعاته و سمومه

اتنادي من حرگة گلبها ودمعه مسجومه

يالحسن هليوم أهمل العبره

والذي ايواسيني وينه آيمسموم

=

نفِس ذيﭻ الﮕوم كلها ابيوم عصْروني

بالغدر دسَّولك السَّم بيك فجعوني

مثل وجهك وجهي ذابل منخطف لوني

و الذي سمَّوك يبني ابضلعي صابوني

بچبدِي المالوم تلتهب جمره

اشهالمصاب الحل علينه آيمسموم

=

دهرك ابآلامه والهَّم منَّه لاگيته

بالنوايب و الرزايه ابلوعه عانيته

احزام صبرك بالشدايد إلها شدِّيته

و بالأخير السّم جرعته ابصبُر ﮔاسيته

و ارحلِت مظلوم وحسرتك حسره

ابگلبك وﭼبدك دفينه آيمسموم

=

و الفجعني امن انحمَل نعشك يشيعونه

اتجمِّعت أهل الحقد بسهام يرمونه

جسمك امن الدفِن يم جدك يمنْعونه

وانته أوله اويه النبي جسمك يدِفْنونه

صوِّبوك اسهام زمرة الغدره

و گلبي بيك امصوِّبينه آيمسموم

=

گبري مخفي و إنته يبني گبرك امهدَّم

من أشوفه اويه الأرض متساوي أتألَّم

وسَف نورك نور الهي و مرقدك أظلم

اندعيلك ينتقم لك ربك الأعظم

ليش گبرك تاركينه آيمسموم

=

هذه يوم امصابك و يم گبرك اتعنَّه

و الذي ايروح البقيع و يسمَع الونَّه

هٰذي ونْتي اعليك اونها ابعبره وابحنَّه

و الله يالمسموم نوحي ما أمل منَّه

ما أمِلّ النوح و جرحي مايبره

و گلبي ما يهدأ أنينه آيمسموم

=

رضا عزيز البحراني

٢٠١٠م