لو نشف دمعك على مصاب الظلع اعصر جفونك وخل تنزف دمه

وخلي بالهم نوح كلبك يرتفع وصيح ما ننسه مصيبة فاطمه

دمعة عيونك سحابه من الغضب جمر تمطر عالمظالم ناقمه

وهذي حسرة مهجتك لفحة لهب ترهب عروش الطغاة المجرمه

صارت الدمعه على مر العصور صرخه بوجوه العتاةالغاشمه

لو جرت شبه الرصاصه من تثور منهه تتراجف كلوب الانظمه

لا تكصّر بالدمع مهما جره ولا تخاف شما تلوم اللايمه

واذكر مصاب الوديعه الطاهره واشعر بحسرة كلب حامي الحمه

يعثر ونين الامير بعبرته صابر اعلى الغيض والهم كاظمه

شاف صوره عن مصابه وطبرته و صرخه من وحي المصايب قادمه

شلون حركوا بابهه بنار الحقد باب وحي الله بحقدهم مضرمه

شلون بالعصره انكسر ظلع المجد وانحنت لمصيبته ظلوع السمه

شلون طاح جنينهه بحجر الحتوف بدال مهده بمهد اجاله ارتمه

ونسبت زينب كبل يوم الطفوف والخدر شافت لهيب مخيّمه

والحسن اصبح كبل سمّ الغدر جبدته بسمّ الحزن متهشمه

والحسين وكلبه بالهم يستعر من كبل ما يسعر بنارالضمه

واحنه ويّه حسين حاربنه الدهر وما غفت أمواجه المتلاطمه

وصارمن يوم الظلع حادي القدر يحدي بينه من مصيبه لموزمه

وعشنه ويه الفاجعه بطول الزمن وضل حزنّه وما تغيّر موسمه

من وطن تاخذنه دمعتنه لوطن وصفت عنوان لعقيدتنه وسمه

مانبطل النوح والعبره التسيح ولا تطيب جروحنه المتألمه

واللي يسأل عن هويتنه نصيح احنه عشاق الحسين وفاطمه