زينب والدهر بعتاب منّه حسابهه تريده

تطلب وگفت الميدان واليسرهه ليْزيده

هلّت دمعتي اعله حسين خلهه او لا تِمِش رمشي

يُرْبَه اعلا النّدَه الصُبَّير وانه اعله الدمع هرشي

انه ام الحزن زينب اوعندي امن الحزن كلشي

طبره او سم ظلع مهشوم گضو اهلي او خدر وشي

او من عُگب الچفيل الراح حتمَن باليسر امشي

غراب البين فوگي ايحوم وَنِش اوْ لا نِفَع نَشّي

ابدي ابياكتر مجروح وياكصره او هظم بالروح

صرت عش الْ حِمام الدّوح يون ابحزنه وابعيده

هلت دمعتي والروح خلصت بين فگد ارواح

شَبَّتْ يوم طاف البين بالطّف لا طُفَتْ وَرتاح

يوم ابعيني شفت احسين طايح والمنايا اشباح

ويلي او شابچ ابنشاب وطعون او حجر ورماح

وصيح او شابچه العشره او كل ظني يفيد اصياح

دارت وانه احومي اعليه خيل او عج حرب من طاح

سَحَگ شمر الخنا صدره گعَد گعْده او يحز نحره

وَصيح أتْمرْغل ابكتره عمري اخلافه ماريده

هلَّت دمعتي وجروح گلبي امن الحزن ندَّن

ويلي او بالطفوف اچبود من نار العطش يبسن

تتربه اليجيب الماي وچفوف الرِّجَه انگطعن

اومن شفت الطفل عطشان دهري اسهامك الحنن

طاشن والمنايا اسهام وابطف البله اشسوَّن

عجيبه اشلون ذاك اليوم ما ملك الحشر وذن

بيده احسين طفله ايموت اواله اچفوفه اصبحن تابوت

ذنبك شنهي صاح ابصوت يا طفلي او فَغَر بيده

هلت يوم هل اهلال شهرك والدمع ساجم

يوم اتحزميت احزام جيت او تبعتك وادم

طايع شرك ابملفاك يادهري اشبده او گايم

لاچن وشيفيد اللوم بيك اشينفع اللايم

خذت الما تثمنه العين واثمن منهه يالسّايم

احسين او يامصاب احسين امسه اعله الترب نايم

طبراته اثنعش بالراس او عن جاري النهر صايم

ياچبد الشفيته ابهاي او ياچبدالصبح وارم

اشظنك من صبتني اصواب هم يشفه او ضماده اعتاب

لا والله او ابد ماطاب جرحك كلف تضميده

رميت اوما خطيت اصواب سهمك بالحشا راهم

اوايدك يالهدمت البيت ماخلت عمد سالم

او نارك السِنَتْ بسْتار ما گبلك دِنا داهم

واستر بالردان اكتار وجهي ابهجمت الوادم

چف اتلگه بيه السوط اوچف اعله الوجه لاطم

واتنخه لچن عدوان بين الشامت او شاتم

لا والي السمع نخواي او لاچن الوله ابنادم

يا دهري اشعملت اوياك ضيم او هم تصب بلواك

لاحزني اليفل وانساك ولا انسه اليسر گيده

صولت ابْگُفاك البين يومك ما گبل سادي

او مابينك يدهري او بين بينك شمرك الحادي

وسفه بالخذت عباس او ناده ابضعنه المْنادي

او عگب امناغه حس وليان حس السوط وگيادي

مشداد السناسل بيد او ايد التسحل اشدادي

نحيله او لا غمض جفني متن الضالعه اوسادي

ارعه ابعين حال ايتام او عين الحال سجادي

انه او يلمصايب توم من يوم الصرت لليوم

تاه اللي حصالي اهموم وشيحصي رمل بيده

شدتهه الفواطم بيك يوم اكبل ظعنهه الشام

چنهن ضيم حفنه اسنين او لا چنهن ثلث تيام

يوم اصطفت الشمات صفين ابغنه وانغام

صاح اغرابك ابجيرون خل تغفه ال اميه اتنام

وامبارك تهني ابيوم عيد الما تعرفه اسلام

بضعون اليساره اهلال عيدك عالرمح جدام

وانه ابعيني اعاتب روس عباس او علي او جسام

عَيِّد يادهر هَلْ عيد جيت اميسَّره ليزيد

شكثر من مُصابي اتريد وانه امصايبي امچيده

جاوبهه دهرهه اوگال يا زينب تعذريني

طولتي العتب وياي عتبچ حيل ياذيني

كل ذنبي ابْرعاع الناس من تبعت شياطيني

او ياي اشما أميل اتميل عميه او شوفهه ابْعيني

صحت المال عند ايزيد باعت زينهه ابشيني

هبت لا شرف لا دين كلمن صاح اخذ ديني

نُبَض بيهه العرج دسّاس تبدل اهل الوفه بَرْجاس

تفرح بالمصيبه الناس ماخذهه الجهل بيده