ما عدنه غيرك ولي ما عدنه غيرك

و اللٰٓه ياحيدر علي ما عدنه غيرك

يجلي الشدايد يا علي إسمك يبو حسين

تحضَر شدايدنا وتجي يا قُرَّة العين

نفتخر إحنه شيعتك و احنه مُوالين

و يوم القيامه سيِّدي ويَّاك ناجين

كل صوت بسمك معتلي ما عدنه غيرك

و اللٰٓه ياحيدر علي ما عدنه غيرك

غايتنه إنته و ما ترِد نخوة النخَّاي

فايز المتّخذَك ولي واينادي مَولاي

شاطي السلامه اولايتك واعرفِت مرساي

متثبِّت ابمرسى الولايه و صائب الراي

آنه و بنيني و كل هَلي ما عدنه غيرك

و اللٰٓه ياحيدر علي ما عدنه غيرك

ابحُبَّك يحمَّاي الحمه طُهرَت نطَفْنه

لو صحنه إحنه شيعتك عزنه وشرفنه

مَأمنَّه كهْف امحبِّتك وانته كهَفنه

بحماك ريح العاتيه صَعبه اتعصُفنه

يا غوث كلمن مبتلي ما عدنه غيرك

عالفطره إحنه ابلا حديث و لا روايه

بايعنه و اخذ البيعه يا راعي الولايه

خَلّينه تبحث بالفقه أهل الدرايه

عِدْنه النتيجه امثبّته مِن البدايه

إنته الإمام الأوَّلي ما عدنه غيرك

يدري اليشكِّك لو يجي يمنه نحِرْجه

و الله ما بين البشر نجعَلَه فرْجه

كلمن يناصب حيدره ما عنده حجَّه

خسران دينه و دنيته و ما إله منجه

يتحيَّر و يصرخ شِلي ما عدنه غيرك