ياللي تريد الجنّه زور الرضا واتعنّه

يهالمحب زور الرضا مولانه وألزم ضريحه وانتفع بجنانه

تدري بعد تحضه ابأجر غفرانه وحاشا تخيب لابد تنول أحسانه

صك الأجر اتضمنّه زور الرضا واتعنّه

كل حاجه صعبه بالعجل يگضيها بيده الأمر وكل شِداتك كافيها

چفه كرم للشيعه دوم يعطيها شافع لِها ويوم الحشر ينْجيها

وكافي بعد تِتْنّه زور الرضا واتعنّه

زور الرضا واتبرك ابأنواره واشتم عطوره والتمس آثاره

فاز اللي گاصد حضرته وادياره والتسأله لا ما ترد محتاره

وكل طلبه تأخذ منّه زور الرضا واتعنّه

أنشد اللي رايح إله واتعناه بيّا علاج ابن الزچيه داواه

بس من دخل للحضره هوّ شافاه ومن كل بلا بأسمه إلهي نجّاه

بأسمه العطا والمِنّه زور الرضا واتعنّه

علگ آمالك بالرضا يالزاير واتوسلّه من عنده قر الناظر

وحلّفه ابجده المرتضى الطاهر وعد مرقده خلي الچفن له ساهر

شوف ابعينك واتهنّه زور الرضا واتعنّه

هذا الرضا والمفخره يغنينه بأسمه صدانه يرتفع من جينه

ومن تمر ذكرى مولده والينه نحيي الحفل واعله العهد ظلينه

يالتسمعنه من صحنّه زور الرضا واتعنّه