لاح الگمر ... لاح الگمر لاح الگمر وبنوره

خط للوفه ... خط للوفه خط للوفه دستوره

إبْشِرْعَة ْ أصِلْ خَط ْ خُوَتَه ابْچْفَّه الوگع وَيْ رايته

خط للوفه ... خط للوفه خط للوفه دستوره

1

لالن منارات الذهب اولاله الذهب عالگُبَّه

او كل الذهب فِدْوَه الك عَبْدَكْ سِجَدْ عالعِتْبَه

عباس ياكَعْبَتْ عِشِگْ والمُحب طاف اوْ لَبَّه

يامالِك اگلوب البَشَر او كل المحبه ابْگلْبَه

الروح ناذِرْهه المُحِب ومْراده شوفَتْ حُبَّه

هاك النِّذر ... لا تِعْتِذر روح المُحِب منذوره

خط للوفه ... خط للوفه خط للوفه دستوره

2

يالمِثْلَه ما ثنَّه الدهر بالفضل هاي إحْچَايه

يا آيَه مِن سابع سِمَه نِزْ لَتْ عَلِمْسَنّايه

الماي بيده او ما شرب چَا شنهي گصْدِ الآيَه

العباس نبراس الفضل والغايه أ َسْمَا الغايه

كِلْ گطْرَه من دَمَّه بحر جُود أُوْ تِفايَضْ مايه

ابكل البشر ... درسه انتشر وبآخر المعموره

خط للوفه ... خط للوفه خط للوفه دستوره

3

ياصِدْفَه بسْنين الزمن حالت او ضَلَّتْ حَسره

بَطْنين حِمْلَن خُوَته بطنُ امَّه وُمَّه الزهره

هالخُوَّه أسَّسْها النبي أُوْ حيدر علي بالشجره

مِنْ كِلْها فاح إبكِل عطر عبّاس ورده حَمْرَه

قدَّمْها لَحْسين إبْگطِعْ چَفَّينَه وِبْدَمْ نحره

لا خِرْ أَثر ... خَلَّه العِبَر طول الدَّهر مَذكوره

خط للوفه ... خط للوفه خط للوفه دستوره

4

يا أَوَّل السَّنْ الفضِل من جُودَهْ أُوْ معروفه

حَگْ من تِچَنَّه اَبْهالأسم مِنْ قِصته المعروفه

مشهود سبع الگنطره كِل عين فضله اتْشُوُفه

إسْمَه عَلا الرَايه إنكِتبْ بالدَّم تِلالي احْروفه

ساقي عُطاشَىَ كربله راعي الفَضِل بِچْفَّوفه

وبْكِلْ فَخَرْ ... طول الدهر راية نصر منْشوره

خط للوفه ... خط للوفه خط للوفه دستوره

5

عباس ياصحن الكرم اتدور ابمضيفه الدلَّه

يَمْحَيّي ضيفك لو گصَد شِنْيار الك يندلَّه

انته الطبيب البيه شِفَه وانته دُوَه الكِلْ عِلَّه

داويت حتى الناصبي اوتاب اونصح للمِلَّه

مادامك انته ابشيعتك هيهات مِنَّه الذلَّه

جودك بحر ... مد البصر بيه الدرر منثوره

خط للوفه ... خط للوفه خط للوفه دستوره