( سفينة النجاة )

يالتريد أتحظه الفوز بأخرتك بالك اللذات وأترك دنيتك

يالتريد الربك اتغادر نظيف من المعاصي لازم المحمل خفيف

للغرور بدنيتك لزمًا تعيف واتجه للباري واخلص نيتك

من اصول الدين ابديه المسار وخلي للقرآن بالد نيه أعتبار

إعلم بكل موقف انحط اختبار بالك بغفله تطاوع نزوتك

التزم د ينك يهالتبغي النجاة لا يغّرك بالنظر وجه ا لحياة

ومن مسيرة عترتك اخذ الصفات وبهواهم خل تباهل مهجتك

بالرسول ودينه مضمون العمل وبالوصي والزهره مكفول الأمل

وعنهم إيّاك بحياتك واتخمل همّه بيرغ ما يتيّه وجهتك

ألتزم خط الأمامه ولا تزل واصبر وضحي ولا تجفي وتمل

محملك حبهم لعد يوم الفصل ينگلب نور ويلا لي بجبهتك

لا صلا تنفع ولا ينفع صيام ولا يفيد العمر لو تگظي قيام

إلّه حب المرتضى خير الأنام يكفي بيه المولد بنص قبلتك

اتمسّك بآل العبه همّه الفرج ومنهجك مرفوض لوعنهم خرج

أخره ود نيه محبتهم وهج بي تنوّر يالموالي ظلمتك

سفن كلهم للنجاة بكل دهر اتعبرك البر الأمان ابلا خطر

لا چن اسرع مركب اينول الظفر حين بسم حسين تكتب خدمتك

هذا شبل المرتضى وسبط الرسول هذا أمّه الطاهره الزهره البتول

هذا مگطوع النحر حين المثول من يگف وبنحره يرفع كفتك

هذا اخو زينب شفيع المذنبين هذا عطشان الروه العالم حنين

رايته بيوم الحشر د م الوتين ما اظن تبخل عليه بدمعتك