( اعتصام الموت )

الشمس ذبلت وأغلگت اجفانها شفرت الغدر أگطعت شريانها

شفرت الغادر رمت هام الورع زلزلت لوح العرش حلّ الفزع

الحيدره الأحزان بيرغها ارتفع والأ كوان اتراجفت بأكوانها

والأكوان اتفارگت وسط الأكوان وتاهن الليل ونهاره من الزمان

والمچان اتصوّب بنفس المچان وأفگدت كل السنين اوطانها

وأفگدت كل السنين ايامها طاح من حيل الرجوله احزامها

ودّ عت سوح الوغه صمّصامها والمچارم تنتحب مرّ دانها

والمچارم تنتحب حامي الدخيل دم حمر گامت عله الموله تسيل

والأملاك اتكدّرت ضاع الخليل وعالفلك بيرغ يرف لحزانها

عالفلك بيرغ يرف بسم الملك والملك تنحب على سطح الفلك

دم عضيد المصطفه اليوم انسفك وانگطع عن الشيم ريسانها

وانگطع شريانها وظاگ الفضه حين طرّ السيف هام المرتضه

حرگت المحراب نيران اللضه والصلا ناحت وگع ُربانها

والصلا ناحت تونّ ونّ الثجيل ومهرة الوجدان ما خذها الصهيل

طاح قرآن النطق بسم الجليل وفگدت الغيره عرش وجدانها

فگدت الغيره الذي بيها ألتزم حين هامه بسيف اشقاها انهشم

مضربه الگيعان والموت اعتصم واعلنت عن ظمّته عصيانها

أعلنت عصيانها اتظم الشمس ويا تراب اليگدر الخدّه يمس

نفس منها يلتمس جنّ وأنس وتحترس منها الفتن وأزمانها

تحترس من حيدر اقطاب الأرض وانكتب حبه عله العالم فرض

الليله زينب ياجفن منها ايغمض ويا دمع يطفي لهب نيرانها

يا دمع يطفي لهيب الفاجعه ويا مناحه التكفي روح امصدّعه

راية وداعه اعله وجهه مشرّعه وبالنواظر سجلت برهانها

بالنواظر شافت الحره ضياع رافع الحيدرعلي را ية وداع

گعدت بصفه وتناغي بلتياع والمدامع ما يگف جروانها