( أعظم حزن )

شلون حال الفاطميات وتبات والوداع الزهره ظلّن ناحبات

شلون ليله الحلّت بذاك الوداع بيها فرگه العايله بعد أجتماع

رفعت السفرتها آيتنه الشراع وأهملت ليها المدامع جاريات

شلون توديع الجره البنت الرسول احتارت اشتحچي المشاعر والعقول

ويا كلام اليوصف احوال البتول والحزن عم ابجميع الكائنات

يا حزن عم بسماء العالمين ويا فجيعه بدار أمير المؤمنين

ويا آلم فطّر دليل الطاهرين منه لسه امكدّ ره كل الحياة

شلون مرت وإحملوا ذاك الآلم المنّه صرح الصبر بأبراجه انهدم

والعرش والكرسي والبيه انهظم ومن د مه دموع الكواكب ساچبات

شلون ليله السجلت اعظم حزن للفواطم والدهر منها يونّ

بيها باري الخلگ ليهم يمتحن وهمّه عنوان الصبر والغانمات

شلون جرعوا ليلة البيها ارحلت وبهظيمه إمدللة حيدر مشت

يا مصيبتها الجرت بيها اوجرت واعتناها بالغدر سهم الممات

آه يمصاب البتول أدمه الگلب زينب الناحت عليه وتنتحب

صاحت اوداعچ ييمه شگد صعب جرّح الروح وتعده النايبات

ناحت اعليها الملوك البالسمه وأجرت ادموع النواظر من دمه

النهار ابليله بدّل عالمه وأمست انجومه بسماها مظلمات

ضجّت الدنيه ولمبچاهم بچت من عليها زينب بحرگه ارتمت

وروح ابو اليمه اعله فرگاها انسبت والفواطم بالفجيعه لاطمات

شلون بيها الحسن بهمومه أنهظم وهوه شاف الظلع حين الي انهشم

وگلبه بين الباب والموته انجسم وبجمر سيل المدامع لا هبات