( بهيده نزله بحفرته )

ناحت الأرض وبچت وديانها من حظن جسم الولي تربانها

ناحت الأرض وتعلت بالونين يا جسد أمسه بمحاظنها دفين

شبگت أعظم جثه مگطوعه الوتين هاذه حيد المرجله وشريانها

صاحت بهيده يالتنزل الجسم بيدك اجروحه اخافن تلّچم

والصدر من خيل أميّه منهشم وهبّت أتحظن الولي بذرعانها

يالتدفنه بهيده ويّ جثت الولي وأعله كيفك بلله وسّده بمحملي

هاذه شبل الطاهره وظنوة علي هذا بحر الغانمه أوجدانها

بهيده يالبيد ك تنزله الحفرته خل ابو اليمه ايتهنه ابنومته

لا تلچمه ولا تهيّج لوعته ولا تشب بمهجته نيرا نها

بهيده والله اعله الظلوع امكسّره ومن عطشها الچبده لسّه امفطره

وسّد ابصف جثته بلله منحره وخلني من شفته استمع قرآنها

يا بني سد هذا ظنوة فاطمه روّه چبده المبدء بكاس الدمه

والله من غيره الخواطر مظلمه والعقيده بمنحره انجلّ شانها

بلله بهداي اعله ميزان الرُسل من تهيلون اعله جثمانه الرمل

صعبه نور الواسعه بظلمه يحل ويا أرض تگدر تظم بركانها

بلله بهداي اعله عرش الغانمه للوداع اتعنت املوك السمه

والشفايف من حزنها املجّمه واعله فگده اتونّ انسها وجانها

ناحت الأرض بحزن والهم هتف والزمن بطل مسارا ته اوگف

والدهر من لوعته جرحه نزف والشهامه اتونّ فگد ريسانها

حظنته الگاع بجرح ظل ملتهب وجرحه بينه ولا ابد ينفعله طب

تبقه للمحشر مدامعنه تصب ولا تبطل اعله الولي جروانها