تبت الفتوى الفتت هدم الضريح وتبت الايد اللعينه الأثمه

وتبت الناس الرضت دينامتات اتحطهن بمرقد أئمة المسلمه

انتي (تي ان تي) تحط وسط الضريح والله يرسله الملائك تخدمه

كبر ابوك تزوره وتحطله الشموع وكبر اهل بيت النبوه اتهدمه

منهو ابوك اكبالهم منهو يصير ومنهو امك في مقابل فاطمه

هاي افكارك غريبه اعله العقول منين فكرك كلي هذا اململمه

تعتبر فكرك ثقافة وبالعراق جاي عالشعب العراقي اتعممه

سذج اتصدكك نعم يوجد صحيح لاكن الاغلب الاعم متعلمه

قصدك اتريد الشعب يتقاتلون ويبقى فوك الدم يصب نزف الدمه

القاعدة تحكم تريد انته ابلاد بيها جانت انبياء الحاكمه

بالخزي وبالعار ابشر يالعين ياسليل أهل الفسوق المجرمه

لا أبد ماننسه تهديم القبور لا ولا ننسى الضريح ومعلمه

رجعت الزوار بالمرقد تصيح بالولاية لحيدره حامي الحمه

رد وكف شعب العراق اعله الضريح واحد برغم اللي راد ايقسمه

وحملة الاعمار واشراف العراق بالعكل مو بالنطاق امحزمه

للضريح ان شاء الله جفوف الولاء تبني كل طابوكه بيه امهدمه