بزينب الحرة الملک يتباها شلون تمشي ميسرة اويا اعداها

خدر زينب بيه تتباها الشمس وبدرسها المجد يتعلم درس

هالأمس چانت عزيزة وهالأمس واطهر واشرف حظن رباها

زينب اخت البطل سبع الگنطرة واسم زينب يعني تاج المفخرة

يا مرا التشبه الزينب يامرا وزينب يلوذ الدهر برداها

اسم زينب يعني معناه المجد واسم زينب دمع وياه ينعجد

لولا زينب لا اظن ماينوجد لا حسين ولا علي ولا طاها

لئن زينب فجرت ذاک الدمع بيوم جت العاصفة تطفي الشمع

للإمامة ام الخدر صارت درع وغير زينب من يصير احماها

هيبة زينب للبشر زينب وقار بمجلس ابن زياد صارت ذوالفقار

هي هم حامي الحمه وحامي الجار روح للشام اتعرف معناها

اسم زينب شيمة ويشيم الشيم وطروا زينب بيه تتباها القيم

راية زينب عاليه بعلو القمم تخسه چفين الرجس تدناها

اسم زينب مرهم الکل الجروح واسم زينب هيل واگرنفل يفوح

ياجدم يايوم يم زينب تروح؟؟ والله هنياله الذي اتعناها

اسم زينب ثگل وايعدل الشعر والقلم بأم المفاخر يفتخر

انمد ادينا الزينب انريد الستر بجاه راس الباليسر يرعاها

مثل زينب ياهو النصاب وصبر والصبرهه ينثني بوسعه البحر

شراع هيه وعبرت امواج الخطر وعبّرت منهج علي وياها

لولا زينب عن ظعن ربعي اضل تصيبني الخفه ولا عرف الثگل

ارد احلفها بفضل راعي الفضل والخدمها يضيع اسمه وجاها؟؟؟

خدمتچ زينب اجل واکبر وسام واحنه خدامچ يبت اول امام

وحق دمعچ يوم طبيتي الشام مصيبتچ للموت ماننساها

عجب والله وزينب ربات الدلال عگب عزها شلون مچتوفه بحبال؟؟

بت ابو الحمله علي وياهو اللي گال ميسرة ومحد سمع نخواها