هالراية اتطب للميدان بيد العباس

هالسيف ايحير الفرسان بيد العباس

چنه الفقار...يتجادح نار هذا البتار...بيد العباس

منين هذا البطل طب للحومه وصاح حي اعلي الکفاح

بکثر شيمه البيه شوف ارسومه اتراجفت منه الرماح

الزود زوده وياسعر اليسومه؟ البيرغه اتطخ الرياح

هذا اظن هاشم هله المعلومه زنود واتلاوي الصفاح

بتار اليخلس شجعان بيد العباس

أمر الميت والدفان بيد العباس

شبه الکرار...حماي الجار سوه الماصار... بيد العباس

نعم هو البطل راعي المرجله وعتني الشاطي الفرات

جدحة اعيونه شبيه الزلزلة ايقسم بسيفه الممات

ورث عنده الهمه من عقد الوله وچنه حيدر بالصفات

جبل شامخ من توسط کربله انشاف من کل الجهات

بوابة کل الأرکان بيد العباس

للموت الراد استإذان بيد العباس

من المختار...سيد الأطهار هاي الأسرار... بيدالعباس

طفل هو وچان سبع الگنطرة سيفه يرتع بالزلم

سيف من اسيوف ساحة حيدرة صيحو کلکم والنعم

ابشاربه وزينب عقيلة مخدرة ومدرسة عفة وعلم

هنا ک يم الشاطي صارت مگبرة وفنه اليلاگي الشهم

تختض بهره الکوفان بيد العباس

لو ضهضب نار ودخان بيد العباس

والکل تحتار...منها الأفکار حد الأعمار... بيد العباس

نلقي نظرة وخل نشوف اطباعه وحتي ندرس يرته

صدگ ذب بکربله طرگاعه ابيوم زينب نادته

بيوم رد للخيم شنهي اوضاعه شلون سکنه اشحاچته

کفو بعمي البين ساعه وساعه ايجيب ماي العيلته

شعاع الرحمه الشع وبان بيد العباس

لا عطشانه ولا عطشان بيد العباس

هاي الأعمار... وجمع الأزهار واعمود الدار... بيد العباس

وبعد اگلک شوف هاي الغاية بعده موجود البطل

وبعده لازال بيمينه الراية بيسرته ايحل العظل

اسئل الگصدوه بالمشاية شلون وگفاته اشفعل

روح،إمشي وشوف طول فياية وين اگللک وصل

وافياي الدفه البردان بيد العباس

للزاير شوف العنوان بيد العباس

سلها الزوار... مارد خطار شوف الشنيار...بيد العباس