بسمک أهل الکهف نالو منزله بيوم راسک عالرمح بيهم تله

راسک اعلي الرمح مولاي اشقره؟ بآية أصحاب الکهف لمن سره

لاچن ادري براس سبع الگنطرة ايرتل بأسمک يبن عقد الوله

معجزة أهل الکهف حسب الضروف ياهومنهم جسمه گطعته السيوف

وانت الک سبعين ظلوا بالطفوف اشلون بالله اجسوم ماهي امغسله

الکل من اصحاب الکهف ينعد نبي بس أبد للموت ما راحو حبي

لا ولا عدهم مره وراحت سبي العجبه تتيسر عقيله امدلله

اسئل اصحاب الکهف عدهم طفل لون عدهم بالله هم صابه النبل

انچان دمع أهل الکهف من دم يهل ماهو يم دمعة رباب السايله

بالله سئلوا أهل الکهف عدهم شباب حنته اعلي ايديه من دمه الخضاب

جاسم العريس هذا اعلي التراب اشلون بين اسيوف عريس انوله

يهل تسمع عن خبر أهل الکهف موعجب بس العجب راس الشرف

بعد الأعجب ذاک مدفون النجف صدگ کلفه اعليه يوصل کربله

خبروا اصحاب الکهف تنصب عزاء وخلهم يگصدون مشياً کربلاء

وخل يلطمون اعلي مسلوب الرداء حسين آيا حسين وإخته المعوله