خلص دمعي يبو الاكبر واجيتك والحزن منحر

ليالي الاربعين احساس وحزني ابكل وطن منبر

أجيتك والظعن حسرة ردت هالخاطر اتجبرة

البعد عنك سبب كسرة ودمعي اعلة الجرح يسعر

يخوية المارحت عنّي صور نحرك تراودني

أغمض جَرحي كَعدني أكَعد والصبر مِجمر

صدكَ هذا آنة يم حسين واشيل اترابك اعلة العين

واشم لحدك يركن الدين أحس نظراتي تتكسر

جنت خيمة دلال اتلوح جنت مثل النِفس والروح

ولون ساعة تريد اتروح اجتف شوكَي جالعسكر

جنت ويّة الكَلب نبضات اشحمل مني العمر شوغات

وشهيق انفاسي عكَبك مات وحبل حتة الهوة يكَصر

هاذ آنة دحاجيني ابجوابك خوية خليني

سؤال ابحالي يدريني بخناجر فكَدك اتوذر

اخاف امن الصبر لو راح واخاف امن الالم لو صاح

شفت محصودي كلّة اجراح وثمر ايامي منّي انطر

ليالي الاربعين انجوم بلاية اسماهة جنها اتحوم

طاحن حيرة عالمظلوم وتصوّر خوية هالمنظر

ليالي الاربعين افراكَ اشيصبر حالي والاشواكَ

يخوية اوحالة المشتاكَ صعبة اوعُودة مايحضر

الوطن بوجودك احسب صار ونظراتك عمود الدار

ومشاعر كلبي ليل انهار وجهك هية تتصوّر