آخر الأخبار

ديوان السادة

حضور الحسين (عليه السلام) بِدار الحسن (عليه السلام)

13 سطرًا

يحسين دنهض للحسن قبل المنيه غالوه بالسم يا غريب الغاضريه

بعضيدك اتدارك ترى يحسين مسموم چنِّي اشوفه اعلى الفرِش ما يقدر يقوم

مطروح واغراب المنيه ابراسه يحوم يون امثِل المطعون ونات خفيه

فزِّ الشهيد احسين واقبل بانكساره محنيه اضلوعه ودش ابعجل داره

شافه يلوج وصفق يمناه ابيساره يقله يخويه ضاقت الدنيا عليه

شنهو السبب مخضر لونك يا ضيا العين قلة أخبْرنك امسافر سفرة البين

جدِّي حديثه صح فيَّه وفيك يحسين وضمَّه لعند صدره ودمعاته جريه

أمري وامرك من قبل يحسين معروف قبري برض طيبه وقبرك برض لطفوف

لكن مثل يومك يخويه احسين ما شوف تنذبح وتحطم اضلوعك لعوجيه

قرّب يخويه هالطشت بقذف الجبدي عصّب الراسي يالأخو والزم الزندي

الزمني ترى ما ظل جلد يحسين عندي ما هي بعيده قبرتي والتفت ليه

قله يخويه الهلكثر هالسم آذاك سلَّيت روحي اقبال عيني تقذف أحشاك

قله دأيِّس من عضيدك والله ويَّاك وظل بالعرق يرشح جبينه للمنيه

شارك هذا المحتوى
13٬023مشاهدة